Бүгінгі таңда адамзат жаңа дәуірге – Жасанды интеллект (бұдан әрі-ЖИ) дәуіріне аяқ басты. Бұл – технологияның ғана емес, адамның да санасының өзгеру кезеңі. Әлемде білім мен ақпарат бұрынғыдан да жылдам таралып, қоғамның барлық саласы цифрлық форматқа көшіп жатыр. Осындай заманда оқушы тек білім алушы емес, «цифрлық көшбасшы» – яғни ақпаратты дұрыс пайдаланып, қоғамға оң ықпал ететін тұлға болуы тиіс.

Абай атындағы мектеп-гимназияда ағымдағы жылдың 18 қарашасында желілік Абай мектептері арасындағы VІІ Республикалық «Іші – алтын, сырты – күміс сөз жақсысы...» шешендік өнер байқауы өтеді.

Бүгін, VІІ Республикалық шешендік өнер байқауының алғашқы күні, Желілік «Абай мектептері» педагогтеріне арналған мазмұнды республикалық семинар өтті. Семинар аясында білім саласындағы жаңа бағыттар мен ЖИ дәуіріндегі цифрлық дағдылар жан-жақты талқыланды.