"11 қазан Халықаралық қыздар күніне орай" тағылымдық сұхбаттасу кеші

13 қазан 2021 жылы Абай атындағы дарынды балаларға арналған қазақ тілі мен әдебиетін тереңдете оқытатын мектеп-интернатында "11 қазан Халықаралық қыздар күніне орай" тағылымдық сұхбаттасу кеші өткізілді. Қасиетті білім ордасының ару қыздары ақын, журналист Ғайни Әлімбекқызы  ардагер ұстаз Сейсекүл Молдабекқызымен кездесіп, өлкеміздегі халықтың ыстық ықыласына бөленіп жүрген тұлғаларымыздың өрнегі мол жырларын оқып, өнегелі өмір жолдарының сырлы ойларын тыңдады. 

Кездесу барысында мектеп өнерпаздары ән салып, би билеп, арнайы бейнероликтер тамашалап, қонақтарымызға көкейлеріндегі сұрақтарын қойып, қызықты жауаптар алды. Шара соңында мектеп басшысы Гүлзат Әлімжанқызы "Орамал тон болмайды, жол болады" деген ниетпен қонақтарға гүл шоқтары мен естелік сыйлықтарын табыс етті. Өз кезегінде нәзік жаны сұлулықты сүйетін  Ғайни әпкеміз жаңа тұсауы кесілген жыр жинағын білім ошағының кітапханасына сыйға тартты.