Мобильдік топ мүшелері және ата-аналармен кеңейтілген жиналыс

  27.02.2018 ж күні Абай атындағы №26 орта мектепте мобильдік топ мүшелері және ата-аналармен кеңейтілген жиналыс өткізілді. Жиналысқа ата-аналар, оқушылар және мобильдік топ мүшелері қатысты. Қала әкімдігінің мәдениет және тілдер дамыту бөлімінің сектор меңгерушісі Абашова Кәмиля Жүрсінәліқызы, Тараз қаласы прокурорының аға көмекшісі Сарманов Нұрлы Жақсылықұлы, ата-аналар комитетінің төрағасы Токкулиев Сайлау, директордың құқық ісі жөніндегі орынбасары Айтімбетов Біржан қатысып отырды. Тараз қаласы прокурорының аға көмекшісі Сарманов Нұрлы Жақсылықұлы сөз алып, мектеп оқушылары арасында өз-өзіне қол жұмсаудың алдын алу және әлеуметтік желіде көп тараған "Синий кит", "красная сова" атты ойындарға тосқауыл қою, сонымен қатар оқушылар арасында өз-өзіне жарақат салу туралы баяндама оқыды. Одан соң директордың құқық ісі жөніндегі орынбасары Айтімбетов Біржан Ғаламтор желісінің оқушылардың санасын улауы, үйден таппаған бақытты ғаламтор желісінен іздеуі туралы баяндама оқып, сонымен қатар бейнероликтер көрсетті.