15
ноябрь
2017
Мектеп формасына қойылатын талаптар
Құрметті ата-ана!
Мектеп әкімшілігі Сізге "Орта білім беру ұйымдары үшін міндетті мектеп формасына қойылатын талаптардцы бекіту туралы" Қазақстан Республикасының Білім және ғылым министрлігінің 2016 жылғы 14 қаңтардағы №26 бұйрығын басшылыққа ала отырып, мектептің ішкі тәртіп ережесінде көрсетілген талаптарды ұстануға шақырады.
Білім беру ұйымдарында білім алушыларды тәрбиелеу мақсатында тәртіптік ықпал ету және өзге де шаралар қолдану ретінде білім беру ұйымдары дербес бекіткен ішкі тәртіп ережелеріне сәйкес бірыңғай киім үлгісі белгіленеді ("Білім туралы" Заңның 43-бабы 3-тармағының 1 тармақшасы және 47-бабының 18-тармағы)
Жоғарыда аталған Талаптар білім берудің зайырлы сипатын іске асыруға және орта білім беру ұйымдары білім алушыларының арасында әлеуметтік, мүліктік және басқа да өзгешеліктердің белгілерін жоюға бағытталған. Талап діни нанымына қарамастан барлық оқушыларға бірдей қойылады.
Орта білім беру ұйымдарындағы міндетті мектеп формасына қойылатын талаптар негізінде мектеп формасына түрлі конфессияларға қатысты киім элементтерін қосуға болмайды. Орта білім беру ұйымында кез келген діни конфессияға қатынасын білдіретін діни киімдерді ( хиджаб, никаб, бурка,паранжа, сикх тюрбандары және иудей кипа-бас киімдері және т.б) және кез келген діни атрибуткаларды (белгілерді) киюге тыйым салынған (БҒМ 14.01.2016 жылғы №26 бұйрықтың 13 тармағы)
Жоғарыда айтылғандарға тоқтала келе "Әкімшілік құқық бұзушылық туралы" Қазақстан Республикасының Кодексінде "Ата-аналардың немесе өзге де заңды өкілдердің ҚР білім беру саласындағызаңнамасында көзделген міндеттерді орындамауы бойынша тиісті жауапкершілікке тартылатындығы ескертіледі.