"Қазақ отбасындағы қызбала тәрбиесінің рөлі" атты қыздар жиналысы өткізілді. Жеке бас гигиенасымен басқада қыздарға қатысты әңгімелер жүргізіліп, адам бойындағы ерсі мінез - құлықтан қалай арылуға болатыны жөнінде тренинг жүргізілді.

Ұлы ақын Абай Құнанбайұлының 175 жылдығына орай мектебіміздің 2018-2019 оқу жылының түлегі Өмірболат Нұрислам мектеп кітапханасының қорына Мұхтар Әуезовтың "Абай жолы" романының 4 томын сыйға тартты.

Ұлы ақын Абай Құнанбайұлының 175 жылдығына орай Тараз қаласы әкімдігінің білім бөлімінің қолдауымен "Абай және табиғат" тақырыбында мектебімізде қалалық сурет байқауы өтті. Байқауда мектебіміздің 8-сынып оқушысы Оралбек Мерейім жүлделі ІІ орын иеленді.

2020 жылдың 17 қаңтарында ҚР сыбайлас жемқорлыққа қарсы іс-қимыл агенттігі мен ҚР Білім және ғылым министрлігінің ұйымдастырумен Абай атындағы 26 орта мектебінде "Адалдық сағаттары" өткізілді. Республикалық акцияға «Жамбыл облысы және Тараз қаласы Ауған соғысы ардагерлері мен мүгедектер одағы»қоғамдық бірлестігінің төрағасы Ермеков Дүкенбай Сайлаубекұлы қатысты.

Шахматтан Ұлттық мектеп лигасы ойындарына Тараз қаласының мектеп оқушылары арасында өткен жарыста 11 сынып оқушылары Досымбек Нұрдос пен Асқар Мухим жүлделі ІІ орынды, ал 8 сынып оқушылары Бекқұл Дінмұхамед, Бекқұл Назерке, Өмірзақов Нұрым, Бақыт Алинұр жүлделі ІІІ орынды иеленді.

Абай атындағы №26 орта мектебінің 9 сынып оқушысы Қасым Әсел қалалық ғылыми жоба байқауында жүлделі ІІІ дәріжелі дипломмен және облыстық байқауда алғыс хатпен марапатталды. Ғылыми жоба тақырыбы «Мектеп оқушыларының табандарын антропометриялық зерттеу». Жоба жетекшісі А. Райымбекова. Қасым Әселді жеңісімен құттықтап, алдағы уақытта үлкен жетістіктер мен шығармашылық табыс тілейміз.