«Абайды оқы, таны...» байқауы
        Елбасымыздың « Болашаққа бағдар: рухани жаңғыру атты мақаласына орай қалалық мектептердің бастауыш сынып оқушыларының арасында «Абайды оқы, таны...» тақырыбында Абай өлеңдерін мәнерлеп оқу байқауы өткізілді. Байқауға қаланың барлық мектептерінен келген  100-ге жуық  оқушылар қатысты.  Бұл байқаудың негізгі мақсаты, жаңа өскелең ұрпаққа ұлттық құндылықтарымызды тарату және Абайдың жазып кеткен өсиет сөздері мен өлеңдерінің сырын түсінуге шақыру болатын. Байқауға қалалық білім бөлімінің әдіскерлері мен қала мектептерінің қазақ тілі және әдебиет пәнінің мамандары қатысты.  Байқаудың негізгі шарты ұлы Абайдың бес өлеңін жатқа білу, оның кез келген жерінен айта білу болды. Байқауды мектебіміздің бастауыш сынып  оқушылары өз көрсетілімдері арқылы ашты. Бұл байқауға келген үміткер жас талапты оқушыларымызды психологиялық дайындады және оларға  шабыт бере түсті.    Оқушылар байқауға жақсы дайындықпен келгендіктерін көрсете білді. Соның нәтижесінде ІІ, ІІІ орындарға көптеген мектеп оқушылары ие болды. Бас жүлдені мектебіміздің 4 сынып оқушысы Жүнісова Аяулым жеңіп алды. Сонымен бірге 3 сынып оқушылары Алимбаева Аружан мен  Абдрахи Жанерке  ІІІ орынды иеленді. Бұдан басқа №54, №49, №28, №9, №45 т.б. мектеп оқушылары І, ІІ, ІІІ жүлделі орындарға ие болды.  Байқау өз мақсатына жетті, оқушыларға болашаққа ой тастады деп айта аламыз.