«Жаңа мектепке-жаңашыл ұстаз» атты жас мамандар байқауы

2019 жылды Жастар жылы деп жариялаған Елбасы Н.Ә. Назарбаев «Жастардың барлық санатын қолдауға арналған шараларды толық қамтитын әлеуметтік сатының ауқымды платформасын қалыптастыру керек»-деген.

Л.Н. Гумилев атындағы Еуразия ұлттық университетіндегі тарих факультетінің деканы Тілеген Садықов Елбасының бүгінгі Жолдауын «жас мамандарға жарқын жол ашқан бірден бір жолдау» деп есептейді.

Елбасы Н.Ә. Назарбаевтың биылғы жылғы жолдауы еліміздің тірегі – жастар мәселесіне жете мән бергендігімен аса маңызды. Жолдауда жоғары оқу орындарында мамандық алып шыққан жастардың өз мамандығы бойынша жұмысқа тұрып, елімізге қызмет етуі мәселесі қоғамның даму тенденциясын анықтайтын фактор екендігіне зор мағына берілген.